భవిష్యత్ తరాలకు భరోసా ముఖ్యమంత్రి జగనన్న : ఎమ్మెల్యే మేకపాటి విక్రమ్ రెడ్డి

*భవిష్యత్ తరాలకు భరోసా ముఖ్యమంత్రి జగనన్న : ఎమ్మెల్యే మేకపాటి విక్రమ్ రెడ్డి*

*: మామూడూరులో 3వ రోజు గడప గడపకు మన ప్రభుత్వం*

*భావి తరాల భవిష్యత్ ను దృష్టిలో ఉంచుకుని అనేక రకాల సంక్షేమ పథకాలను అందిస్తూ ముఖ్యమంత్రి వైఎస్ జగన్ మోహన్ రెడ్డి భవిష్యత్ తరాలకు భరోసా అందిస్తున్నారని ఆత్మకూరు ఎమ్మెల్యే మేకపాటి విక్రమ్ రెడ్డి పేర్కొన్నారు.*

*ఆదివారం గడప గడపకు మన ప్రభుత్వం కార్యక్రమంలో భాగంగా చేజర్ల మండలం మామూడూరు ఎస్సీ కాలనీలో ఆయన ప ర్యటించారు. ఈ సందర్భంగా కాలనీవాసుల ఇళ్లకు వెళ్లి ప్రభుత్వం నాలుగు సంవత్సరాల కాలంలో వారి కుటుంబానికి అందచేసిన సంక్షేమ పథకాలకు సంబంధించిన వివరాల బ్రోచర్ ను అందచేశారు.*

*ఈ సందర్భంగా ఎమ్మెల్యే మేకపాటి విక్రమ్ రెడ్డి మాట్లాడుతూ పేద, మధ్య తరగతి ప్రజల అభ్యున్నతికి అనేక పథకాలను ప్రవేశపెట్టి ముఖ్యమంత్రి వైఎస్ జగన్ మోహన్ రెడ్డి వారికి బాసటగా నిలస్తున్నారని అన్నారు.*

*అంతేకాక సచివాలయ, వాలంటీర్ వ్యవస్థల ద్వారా గ్రామాల్లో సమస్యలను త్వరగా తెలుసుకుని మరింత త్వరగా వాటిని పరిష్కరించేలా చర్యలు తీసుకుంటున్నారని పేర్కొన్నారు. ఈ సందర్భంగా పలువురు కాలనీవాసులు కాలనీలో డ్రైనేజీ కాలువలను ఏర్పాటు చేయాలని కోరడంతో వెంటనే ఆయా శాఖల అధికారులతో ప్రతిపాదనలు సిద్దం చేయించి మంజూరుకు కృషి చేస్తానని తెలిపారు.*