బాలయ్య తో రామ్ చరణ్..?

south 9 :ప్రతినిధి 

బాలయ్య తో రామ్ చరణ్…. అల్లు అర్జున్ కాకుండా చెర్రీ తెరపైకి

తెలుగు ఓటి టీ దిగ్గజం ఆహాకు క్రేజ్ తీసుకువచ్చి పోటీలో నిలబెట్టే టాక్ షో అన్ స్టాపబుల్. హోస్ట్ గా నందమూరి బాలకృష్ణను తీసుకురావాలన్నా అల్లు అరవింద్ ప్లాన్ అన్ని విధాలుగా వర్క్ అవుట్ అయ్యి ఆహా కు పెద్ద వరమైంది. బాలయ్య తన టైమింగ్ ఆటపాటలతో బ్లాక్ బస్టర్ గా నిలబెట్టారు. ఇప్పటికే మూడు సీజన్లను కంప్లీట్ చేసుకున్న అన్ స్టాపబుల్ సీజన్ 4 కి సిద్ధమైంది. ఇప్పటికే ఈ షో ట్రైలర్ను ఆహా టీం రిలీజ్ చేయగా మంచి రెస్పాన్స్ వస్తోంది. అయితే సీజన్ ఫోర్ లాంచింగ్ ఎపిసోడ్ కు ఎవరు వస్తున్నారు అనే టాక్ సోషల్ మీడియాలో జరుగుతోంది. ఇప్పటివరకు మూడు సీజన్లను సక్సెస్ ఫుల్ గా కంప్లీట్ చేశారు నందమూరి బాలకృష్ణ. ఈ షోకు పవన్ కళ్యాణ్, మహేష్ బాబు, ప్రభాస్, రవితేజ, అల్లు అర్జున్, నాని, శర్వానంద్, గోపీచంద్ వంటి స్టార్ట్స్ ను హీరోయిన్లను,డైరెక్టర్లను, నిర్మాతలను తీసుకొచ్చారు బాలకృష్ణ. సీజన్ 3 మాత్రం ప్రత్యేకంగా నిలిచింది. టిడిపి అధినేత ఇప్పటి ఏపీ సీఎం చంద్రబాబు నాయుడు, నారా లోకేష్ లను ఈ షో కి తీసుకువచ్చి వారిని ఫన్నీగా ఇంటర్వ్యూ చేశారు బాలయ్య. ఎప్పుడు రాజకీయాలతో సీరియస్ గా ఉండే చంద్రబాబు లోని మరో కోణాన్ని ఆవిష్కరించారు. ఈ నేపథ్యంలో అన్ స్టాపబుల్ సీజన్ 4 కోసం ఆడియన్స్ ఉత్కంఠంగా ఎదురుచూస్తున్నారు. వీటిని చెక్ పెడుతూ ఏడాది దసరా సందర్భంగా అన్ స్టాపబుల్ సీజన్ 4 ట్రైలర్ను గ్రాండ్ గా లాంచ్ చేసింది ఆహా టీం.ఇంతవరకు ఎన్నడూ చూడని విధంగా బాలకృష్ణను సూపర్ హీరోగా ప్రజెంట్ చేశారు అల్లు అరవింద్. దాదాపు నాలుగు నిమిషాలు నిడివి ఉన్న ఈ వీడియో ప్రేక్షకులను ఆకట్టుకుంటుంది. అక్టోబర్ 24 నుంచి సీజన్ ఫోర్ స్ట్రీమింగ్ అవుతుందని ఆహా టీం అనౌన్స్ చేసింది. ఇంతకీ ఈ సీజన్కు గెస్ట్లుగా ఎవరు రానున్నారు? అన్నింటిని మించి సీజన్ 4 ఫస్ట్ ఎపిసోడ్ లో బాలయ్యతో కబుర్లు చెప్పేది ఎవరు? అనేదానిపై సోషల్ మీడియాలో డిస్కషన్ నడుస్తోంది. సీజన్ 4 ఫస్ట్ ఎపిసోడ్ గెస్ట్ గా మెగాస్టార్ చిరంజీవి హాజరవుతారని ఫిలిం నగర్ టాక్. బాలయ్యతో దశాబ్దాలు అనుబంధంతోపాటు తెలుగు సినిమాకు ప్రస్తుతమున్న ఫోర్ పిల్లర్స్ గా వ్యవహరిస్తున్న ఇద్దరు అగ్ర నాయకులను ఒకే చోట కబుర్లు చెప్పుకుంటుంటే చూడాలని ప్రేక్షకులు కోరుకుంటున్నారు. ఇంకొన్ని సర్కిల్స్ లో మాత్రం అల్లు అర్జున్ వస్తారని వినిపిస్తోంది. ఆల్‌రెడీ బ‌న్నీ హాజరైన సోలోగా రాలేదు. పుష్ప సినిమా ప్రమోషన్ కోసం వచ్చారు.అందుకే ఈసారి సీజన్ 4 ఫస్ట్ ఎపిసోడ్ కు అల్లు అర్జున్ రావడం పక్కా అని కామెంట్స్ వినిపిస్తున్నాయి. చిరంజీవి, బన్నీ కాదు…. అసలు ఈసారి వచ్చేది మెగా పవర్ స్టార్ రామ్ చరణ్ అంటూ గుసగుసలు వినిపిస్తున్నాయి. త్వరలోనే దీనికి సంబంధించిన షూటింగ్ మొదలు కానుందని ఫిలింనగర్ టాక్. మరి ఈ విషయంలో ఎంతవరకు నిజం ఉందో తెలియాలంటే కొద్ది రోజులు వెయిట్ చేయాల్సిందే