నవరత్నాలతో జనరంజక పాలన : ఎమ్మెల్యే మేకపాటి విక్రమ్ రెడ్డి

*నవరత్నాలతో జనరంజక పాలన : ఎమ్మెల్యే మేకపాటి విక్రమ్ రెడ్డి*

*: పందిపాడులో గడప గడపకు మన ప్రభుత్వం*

*ముఖ్యమంత్రి వైఎస్ జగన్ మోహన్ రెడ్డి దేశ చరిత్రలోనే ఎప్పుడూ లేని విధంగా నవరత్నాల పథకాల ద్వారా జనరంజక పాలన అందచేస్తున్నారని ఆత్మకూరు ఎమ్మెల్యే మేకపాటి విక్రమ్ రెడ్డి పేర్కొన్నారు.*

*గురువారం ఏఎస్ పేట మండలం పెద్దబ్బీపురం సచివాలయం పరిధిలోని పందిపాడు గ్రామంలో గడప గడపకు మన ప్రభుత్వం కార్యక్రమాన్ని నిర్వహించారు. తొలుత దివంగత ముఖ్యమంత్రి వైఎస్ రాజశేఖర్ రెడ్డి విగ్రహానికి పూలమాలలు వేసి నివాళులు అర్పించారు.*

*అనంతరం గ్రామంలోని ప్రతి ఇంటికి వెళ్లి ప్రభుత్వం ద్వారా జరిగిన లబ్దిని ప్రజలకు వివరిస్తూ బ్రోచర్లను అందచేశారు. ఈ సందర్భంగా ఎమ్మెల్యే మేకపాటి విక్రమ్ రెడ్డి మాట్లాడుతూ దేశ చరిత్రలో ఏ ముఖ్యమంత్రి అమలు చేయలేనన్ని సంక్షేమ, అభివృద్ది పథకాలను మన ముఖ్యమంత్రి అమలు చేస్తున్నారన్నారు.*

*సంక్షేమ పథకాలు అందించడం ద్వారా ప్రజల హృదయాల్లో సుస్థిర స్థానాన్ని సంపాదించుకున్నారని, నవరత్నాల పథకాల ద్వారా ప్రజలు ఆర్థిక, సామాజిక అభివృద్ది వైపు పయనిస్తున్నారని పేర్కొన్నారు.*

*ఎన్నికల మెనిఫెస్టోలో ప్రకటించిన హామిల్లో ఇప్పటికే 98 శాతం అమలు చేశారని, ప్రజలకు ఇవ్వని ఎన్నో హామిలను ముఖ్యమంత్రి అమలు చేస్తున్నారని గుర్తు చేశారు.*

*అవినీతి, అక్రమాలు లేని పాలన ద్వారా రాష్ట్ర ప్రజలు సంతోషంగా ఉన్నారని, ప్రతి పథకం నేరుగా లబ్దిదారుడి ఇంటి వద్దే చేరేలా ముఖ్యమంత్రి పని చేస్తున్నారని పేర్కొన్నారు.*

*ఈ సందర్భంగా గ్రామంలో రేషన్ సరుకులు అందచేస్తున్న వాహనం వద్ద ప్రజలకు స్వయంగా బియ్యాన్ని అందచేశారు. ఎవరికి ఇబ్బంది లేకుండా పారదర్శకంగా పంపిణీ జరిగేలా చూడాలని సూచించారు.*

*అనంతరం గ్రామస్తులు తెలిపిన సమస్యలను రివ్యూ సమావేశంలో అధికారులతో చర్చించి పరిష్కరించే విధంగా చర్యలు తీసుకుంటామని ఎమ్మెల్యే మేకపాటి పేర్కొన్నారు.*