తెలుగు సినిమా దక్కిన అరుదైన గౌరవం

తెలుగు సినిమాని అంతర్జాతీయ స్థాయి కి తీసుకెళ్లిన దర్శక దిగ్గజం ఎస్. ఎస్ రాజమౌళి దర్శకత్వంలో రామ్ చరణ్ ,జూనియర్ ఎన్టీఆర్, హీరోలుగా, అజయ్ దేవగన్ ,శ్రీయ ముఖ్యపాత్రలు పోషిస్తున్న చిత్రం ఆర్ .ఆర్. ఆర్. ఈ చిత్రం ప్రపంచవ్యాప్తంగా మార్చి 25న విడుదల కానుంది. ఈ నేపథ్యంలో భారీ స్థాయిలో చిత్ర బృందం ప్రమోషన్లు కి సిద్ధపడింది. అయితే బ్రిటన్ లో సుమారు వెయ్యికి పైగా థియేటర్లలో ఈ చిత్రం విడుదల కానుంది . అలానే లండన్ లో ని ప్రతిష్ఠాత్మకమైన ‘ ఓడియన్ బి ఎఫ్ ఐ ఐమాక్స్’ లోనూ విడుదల కానుంది. కేవలం థియేటర్ పరిసర ప్రాంతాల్లోఉండేవారికి  వారికి మాత్రమే థియేటర్లో సినిమా చూసే అవకాశం ఉంటుంది. ఇప్పటివరకు హాలీవుడ్ చిత్రాలైన బ్యాట్ మాన్ , లార్డ్స్ ఆఫ్ ద రింగ్స్ వంటి చిత్రాలు మాత్రమే ఇక్కడ ప్రదర్శించారు. ఇప్పుడు తొలి తెలుగు చిత్రంగా , ఆర్. ఆర్. ఆర్. విడుదల కావడంతో ఈ గౌరవం దక్కించుకున్న తొలి తెలుగు భారతీయ చిత్రంగా రికార్డుకెక్కింది. చిత్రం విడుదలయ్యి అద్భుత విజయం సాధించాలని కోరుకుంటున్నాం.