అలా అయితే రాజమౌళి ప్రభాస్ అల్లు అర్జున్ ఎవరు: ప్రకాష్ రాజ్

సినీ బ్యూరో : త్వరలో మా అసోసియేషన్ ఎన్నికలు జరగనున్న నేపథ్యంలో టాలీవుడ్ పరిశ్రమలో మాటల యుద్ధం మొదలైంది. ఒక ప్యానల్ కి అధ్యక్షుడుగా ప్రకాష్ రాజ్ బరిలో ఉన్నారు. దీంతో ప్రత్యర్థి వర్గం ప్రకాష్ రాజ్ నాన్ లోకల్ అనే ప్రచారాన్ని ప్రారంభించారు. తాజాగా ఈ వ్యాఖ్యలకు సంబంధించి ఒక ఛానల్ ఇంటర్వ్యూలో ప్రకాష్ రాజ్ సంచలన వ్యాఖ్యలు చేశారు . ప్రకాష్ రాజ్ మాట్లాడుతూ…. నేను గత 25 సంవత్సరాలుగా తెలుగు చిత్రాల్లో నటిస్తున్నానని, తొమ్మిది నంది అవార్డులు అందుకున్నాను అని, తెలుగు సినిమా అయిన అంతఃపురం చిత్రానికిగాను నేషనల్ అవార్డు వచ్చిందని తెలిపారు. నేను ఇక్కడే ఉంటున్నాను, నా పొలం అక్కడే ఉంది, నా ఆధార్ ఇక్కడనే ఉంది , మరి ఎందుకు నేను నాన్ లోకల్ అవుతానని అన్నారు. నాకు “మా” అసోసియేషన్ లో సభ్యత్వం ఉంది ఒక సీనియర్ గా న్యాయం చేస్తాఅనే నమ్మకంతో పోటీచేయాలని భావించానని అన్నారు. ఎవరో కొంత మంది సంకుచితంగా ఆలోచించి మాట్లాడితే …ఎలా అని ప్రశ్నించారు. అలా అనుకుంటే మరి ఇక్కడి నుంచి బాలీవుడ్ కి వెళ్ళిన రాజమౌళి, ప్రభాస్ ని, బాలీవుడ్ స్వాగతించడాన్ని గుర్తు చేశారు. అలానే మలయాళంలో లో అల్లు అర్జున్ పెద్ద స్టార్ గా ఉన్నారని చెప్పారు.