ప్రతి సమస్యను పరిష్కరించేందుకు కృషి చేస్తా : ఎమ్మెల్యే మేకపాటి విక్రమ్ రెడ్డి.

*ప్రతి సమస్యను పరిష్కరించేందుకు కృషి చేస్తా : ఎమ్మెల్యే మేకపాటి విక్రమ్ రెడ్డి*

*: రూ.7లక్షలతో సైడుకాలువల నిర్మాణానికి శంఖుస్థాపన*

*: రూ.30వేలు స్వంత నిధులతో ఆర్థిక సహాయం*

*: జగనన్న లే అవుట్ లో నిర్మాణాలు పరిశీలన*

*ముఖ్యమంత్రి వైఎస్ జగన్ మోహన్ రెడ్డి పాలనలో అర్హులందరికి సంక్షేమ పథకాలు సక్రమంగా అందుతున్నాయని, ప్రతి ఒక్కరి సమస్యలను పరిష్కరించేందుకు కృషి చేస్తామని ఆత్మకూరు నియోజకవర్గ శాసనసభ్యులు మేకపాటి విక్రమ్ రెడ్డి అన్నారు. మండల కేంద్రమైన సంగం బిట్-2 సచివాలయం పరిధిలో రెండవ రోజు శుక్రవారం గడపగడపకు మన ప్రభుత్వం కార్యక్రమాన్ని నిర్వహించారు.*

*స్థానిక వికాస్ పాఠశాల నుంచి ప్రతి ఇంటికి తిరుగుతూ అందరిని ఆప్యాయంగా పలకరిస్తూ ఎమ్మెల్యే విక్రమ్రెడ్డి సంక్షేమలబ్ది కరపత్రాలను అందచేశారు. ఈ సందర్భంగా మండల పరిషత్ నిధులు రూ. 7 లక్షలతో నిర్మించిన సైడు కాలువల నిర్మాణాలకు భూమిపూజ శిలాఫలకాన్ని ప్రారంభించారు.*

*ఈ సందర్భంగా ఎమ్మెల్యే మేకపాటి విక్రమ్ రెడ్డి మాట్లాడుతూ ఇప్పటి వరకు ఇచ్చినట్లుగా నెరవేర్చిన ముఖ్యమంత్రి దేశంలోనే వైఎస్ జగన్మోహన్ రెడ్డి మాత్రమేనని తెలిపారు. ఇచ్చిన హామీల్లో 99 శాతం పూర్తి చేసిన ఘనత జగన్మోహన్ రెడ్డికే దక్కిందని అన్నారు.*

*2024లో జరగబోయే ఎన్నికల్లో మరోసారి ప్రజానీకమంతా ఓట్లు వేసి వైఎస్సార్ సీపీకే పట్టం కట్టేందుకు సిద్ధంగా ఉన్నారన్న విషయం ప్రజల ముఖాల్లో వెల్లివిరుస్తున్న ఆనందాన్ని బట్టి తెలుస్తోందని అన్నారు.*

*లే అవుట్ పరిశీలన…*

*మండల కేంద్రమైన సంగంలోని తిరుమనతిప్ప, ఐటీఐ కళాశాల ప్రాంగణం సమీపంలో జగనన్న కాలనీల లే అవుట్లలో జరుగుతున్న గృహ నిర్మాణాలను ఎమ్మెల్యే మేకపాటి విక్రమ్ రెడ్డి పరిశీలించారు. 2. 3 లే అవుట్లలో జరుగుతున్న జగనన్న కాలనీల నిర్మాణ పరిస్థితులను గురించి గృహ నిర్మాణశాఖ అధికారులను అడిగి తెలుసుకున్నారు.*

*పేదల కోసం రాష్ట్ర ప్రభుత్వం నిర్మిస్తున్న గృహ నిర్మాణాల్లో ఎలాంటి నాణ్యతాలోపాలు లేకుండా చూడాలని, నిర్మాణాలు వేగవంతంగా పూర్తి చేసేలా అధికారులు తగిన చర్యలు తీసుకోవాలని ఆదేశించారు.*

*బాధిత కుటుంబానికి ఆర్ధిక సాయం….*

*సంగం కొత్తూరులో ఇటీవల డయాలసిస్ చికిత్స పొందుతూ మృతి చెందిన సురేష్ కుటుంబానికి ఎమ్మెల్యే మేకపాటి విక్రమ్ రెడ్డి ఆర్ధిక సహాయం అందచేశారు. గడప గడపకు మన ప్రభుత్వం కార్యక్రమంలో భాగంగా పర్యటిస్తున్న ఎమ్మెల్యే సంగం కొత్తూరు వద్దకు వచ్చే సరికే సురేష్ భార్య కుమారి కుటుంబ పెద్దను కోల్పోయాయమని, ఇంటర్మీడియట్ చదివే కుమార్తె ఉందని కన్నీరు పెట్టుకున్నారు.*

*వెంటనే స్పందించిన ఎమ్మెల్యే మేకపాటి విక్రమ్ రెడ్డి రూ.30వేలు చెక్ ను బాధిత కుటుంబసభ్యులకు అందచేశారు. ప్రభుత్వం నుండి రావాల్సిన ఆర్థిక సహాయం అందించేందుకు కృషి చేస్తానని పేర్కొన్నారు.*