ఎన్టీఆర్‌ని ప‌ట్టించుకోని స్టార్స్‌.

ఎన్టీఆర్‌ని ప‌ట్టించుకోని స్టార్స్‌

యంగ్ టైగర్ ఎన్టీఆర్ హీరోగా నటించిన చిత్రం దేవర. పాన్ ఇండియా చిత్రంగా రూపొందిన ఈ చిత్రం తక్కువ రోజుల్లోనే 500 కోట్ల గ్రాస్ కలెక్షన్లు రాబట్టింది. ఈ సినిమాను కొర‌టాల‌ శివ 300 కోట్ల బడ్జెట్ తో నిర్మించాడు. టాక్‌ తో సంబంధం లేకుండా ఈ చిత్రం మనదేశంలో కూడా డబ్బింగ్ చేసిన అన్ని భాషల్లో కలెక్షన్ల సునామీ సృష్టిస్తోంది. కొరటాల శివ గత చిత్రం ఆచార్య అట్టర్ ఫ్లాప్ అయిన తర్వాత కొర‌టాల‌తో సినిమా చేయడానికి ఎవరు ముందుకు రాలేదు. అల్లు అర్జున్తో అనుకున్న సినిమా పట్టాలెక్కకుండా ఆగిపోయింది. అటువంటి సమయంలో ఎన్టీఆర్ కోర‌టాలకు అండగా నిలబడ్డాడు. ఈ చిత్రం సెకండ్ పార్ట్ పై మరిన్ని అంచనాలు ఏర్పడ్డాయి. ఈ చిత్రం సక్సెస్ మీట్‌లో కొర‌టాల‌ శివ, ప్రకాష్ రాజ్ తమ అభిమాన హీరో ఎన్టీఆర్ అని ఓపెన్‌గా చెప్పేశారు. అటువంటి తారక్ సినిమా హిట్ అయిన తర్వాత ఒక్క తెలుగు స్టార్ హీరో కూడా కనీసం ట్విట్ చేయలేదు. కేవలం హీరో నిఖిల్ మాత్రమే ట్విట్ చేసి తారక్‌కు అభినందనలు తెలియజేశాడు. తెలుగులో అగ్ర హీరోలుగా ఉన్న పవన్ కళ్యాణ్, ప్రభాస్, అల్లు అర్జున్, రామ్ చరణ్, చిరంజీవి, నాగార్జున, వెంకటేష్, నాని, విజయ్ దేవరకొండ, రవితేజ ట్వీట్ కూడా చేయలేదు. దీనికి కారణాలు తెలియాల్సి ఉంది. పరిశ్రమలో హీరోలంతా బయటకు బాగున్నట్టు కనిపిస్తుంటారు ఇది నటన లేక నిజమా అనేది అభిమానులకు అర్థం కావడం లేదు. అంటే తెలుగు హీరోలంతా బయటకు ఒకలా లోపల ఉంటారని అర్థమవుతుంది.